Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

Архив новостей

05.06.2017

У пошуках возера Барвёнак

Як звычайна актыўна пачалося турыстычнае лета для навучэнцаў Кубліцкай школы. Не паспеў прагучаць апошні званок, а краязнаўчая міні-экспедыцыя  3 чэрвеня адправілася ў велапаход у пошуках маляўнічага возера Барвёнак, якое знаходзіцца ў ваколіцах вёскі Лажане, што за Зерчаніцамі. Надвор’е выдалася спрыяльным і шлях да пункта прызначэння праляцеў весела і непрыкметна. Але самае цікавае было наперадзе: ніхто з вандроўнікаў раней тут не быў, таму апошнія кіламетры да возера пераадольвалі па падказках мясцовых жыхароў. Не абыйшлося без нечаканасцей – група разведчыкаў, якая паехала паперадзе, крыху адыйшла ад маршрута, прапанаванага раней і выйшла да зусім іншага возера, возера Бялёнак. Але гэта высветлілася пазней, калі спрабавалі разабрацца, якое ж возера знайшлі. Сумеснымі намаганнямі вучняў і настаўнікаў экспедыцыя ажыццявіла мэту падарожжа – разбіла лагер на беразе возера Барвёнак. Звычайныя турыстычныя з’явы – вогнішча, палаткі, ежа з агульнага катла – але ўсё было цікава, смачна, захапляльна. Ды і той факт, што замест аднаго возера знайшлі два, надаваў бадзёрасці і турыстычнага шчасця. Час праляцеў вельмі хутка, і трэба было збірацца ў зваротны шлях. Але кожны быў перекананы ў тым, што турыстычнае лета для кубліцкіх краязнаўцаў толькі пачынаецца, а новыя маршруты  вабяць сваімі таяміцамі.

Разделы сайта