18 кастрычніка адбыўся раённы этап рэспубліканскай алімпіяды па фінансавай пісьменнасці сярод навучэнцаў 10-11 класаў. Усяго ў алімпіядзе прынялі ўдзел 11 старшакласнікаў з Великодолецкой, Глыбочанской, Арэхаўскай і Ушацкай школ.
Арганізатарамі гэтай алімпіяды выступаюць Нацыянальны банк Рэспублікі Беларусь і Міністэрства адукацыі Рэспублікі Беларусь, яна праходзіць у нашай краіне ў шосты раз. Асноўнымі задачамі алімпіяды з'яўляюцца: папулярызацыя ведаў у галіне фінансаў; стварэнне ўмоў для рэалізацыі вашых інтэлектуальных здольнасцяў; фарміраванне ў вас практычных навыкаў выкарыстання фінансавых інструментаў для планавання бюджэту і назапашванняў, кантролю сваіх даходаў, расходаў і даўгоў; развіццё фінансавай культуры і ўмацаванне вашай фінансавай дысцыпліны.
Адкрылі раённы этап алімпіяды па фінансавай пісьменнасці Шук Наталля Савельеўна, загадчык сектара рознічнага і карпаратыўнага бізнесу цэнтра банкаўскіх паслуг № 221 філіяла № 216 ААТ «АСБ Беларусбанк» і начальнік аддзела па адукацыі райвыканкама Стрыжонак Наталля Васільеўна. У ходзе алімпіяды ўдзельнікі прадэманстравалі свае веды па тэмах: асабістыя фінансы, наяўныя грошы, зберажэнні і ўклады, запазычанні, лічбавай банкінг, дзейнасць Нацыянальнага банка, страхаванне, падаткі і зборы, інвестыцыі, каштоўныя паперы, фінансавая матэматыка.
Пераможцамі алімпіяды сталі навучэнка Ушацкай сярэдняй школы Конан Аляўціна (дыплом І ступені), навучэнец Глыбочанской дзіцячы сад - сярэдняй школы Троцкі Дзмітрый (дыплом ІІ ступені) і навучэнец Великодолецкой дзіцячы сад - сярэдняй школы Крыштопенка Руслан (дыплом ІІІ ступені). Яны прымуць удзел у абласным этапе алімпіяды па фінансавай пісьменнасці, якая адбудзецца 15 кастрычніка ў г.Віцебску.