“Піянер, да спраў на карысць Радзімы, да дабра і справядлівасці будзь гатовы – Заўсёды гатовы!” – менавіта гэтыя галоўныя для ўсіх піянераў словы гучалі 19 мая са сцэны ДУДА “Ушацкі раённы цэнтр дзяцей і моладзі”.
І нездарма, бо вядома, што менавіта ў гэты дзень гістарычна і традыцыйна адзначаецца галоўнае свята піянерыі – Дзень піянерскага сяброўства!
Гэта свята аб’ядноўвае найбольш актыўных, мэтанакіраваных і здольных вучняў – піянераў.
Піянер – гэта значыць першы: першаадкрывальнік, першапраходца, гэта значыць лідар, гонар і апора ўсіх астатніх. Менавіта ён павінен весці за сабой, весці наперад і натхняць усіх астатніх сваёй энергіяй.
Усе гэтыя здольнасці і прадэманстравалі ў мінулую суботу прадстаўнікі піянерскіх дружн раёна, якія з’ехаліся на піянерскі злёт, які, дарэчы, быў прымеркаваны да святкавння 94-годдзя піянерскага руху Віцебшчыны.
Мы з гонарам і жывой цікавасцю глядзелі на тое, як у творчай форме прэзентавалі свае піянерскія дружыны вучні Глыбачанскай дзіцячы сад-сярэдняй школы (піянерская дружына імя Б.І. Юркіна), Ільюшынскай сярэдняй школы (піянерская дружына “Рамантыкі”), Велікадолецкай дзіцячы сад-сярэдняй школы (піняерская дружына імя А.Ф. Данукалава), Ушацкай сярэдняй школы (піянерская дружына імя А.А. Клопава).
Было вельмі прыемна пабачыць актыўных, вясёлых, разумных і эрудыраваных дзяцей, што ў хуткім часе будуць складаць апору нашай Радзімы.
Усе ўдзельнікі раённага піянерскага злёта атрымалі дыпломы, а ўсе прысутныя – добры і бадзеры настрой.
Метадыст ДУДА “РЦДіМ” Д.М. Паршонак